Nagin matam-is an pagselebrar san 161st Founding Anniversary san bungto san Bobon tungod kay naghatag asistensya an DSWD pina-agi san kanira AKAP san Agosto 3, 2024 nga nagbenepisyo san 2, 960 nga pamilya tikang san mga masunod nga Barangays: San Juan; Sta. Clara; Gen. Lucban; Salvacion; E. Duran; ngan Trojillo.

Nagkakantidad sin 15 milyones an nahihatag nga asistensya nga kun di-in an kada pamliya nakarawat sin 5, 000.

Natuman ini nga AKAP Payout tumikang san paniguro ni Cong. Paul R. Daza ngan Mayor Reny A. Celespara. Ini nga duha nga mag-abtik nga mga lider bungyod tikadto san dalan san kauswagan san bungto ngan kahimyang san mga tawo. Sa yana nga mahal an mga parapliton, ini nga kantidad ngan ginkarawat san mga tawo dako nga ayuda para san kanira pan uru-adlaw nga panginahanglan.

Angay liwat pasalamatan si Director Grace Q. Subong, RD, DSWD RO 8 san kanya lus-ay nga suporta san Bobon pina-agi san mga programa og proyekto san DSWD.